خدمات پژواک

بخش عکاسى پژواک

پوشش خبری انتخابات

صفحه ویژۀ معادن

Afghan Peace Process Special Page

خدمات پيام هاى تجارتى پژواک

Daily Newsletter

Language
Sending Time (GMT / Kabul time)

نيمروز کې د راستنېدونکو کډوالو لپاره تاسيسات جوړېږي

مهاجرين

ارشيف

نيمروز کې د راستنېدونکو کډوالو لپاره تاسيسات جوړېږي

Nov 27, 2017 - 15:35

زرنج (پژواک، ٦ ليندۍ ٩٦) : د کډوالو او راستنېدونکو چارو وزارت وايي چې له ايران څخه راستنېدونکو کډوالو لپاره په نيمروز ولايت کې د نږدې ٣٥٠ ميليونه افغانيو په لګښت تاسيسات جوړېږي.

د دغه وزارت رسنيز سلاکار حفيظ احمد مياخېل د ليندۍ په ٦ مه، پژواک خبري اژانس ته وويل،   ددغو تاسيساتو د جوړولو لپاره يې ٥ ميليونه امريکايي ډالر ځانګړي کړي دي.

هغه زياته کړه، هره ورځ له ايران څخه د نيمروز ولايت له لارې سلګونه افغانان هېواد ته راستنېږي، خو هلته ديوې يا څو شپو  تېرولو لپاره يې ځاى نه درلود.

د نوموړي په وينا، په دې اړه يې د ملګرو ملتونو د کډوالو له عالي کمشنرۍ او ځينو نورو مرستندويه ادارو سره ناستې هم کړې دي.

د نيمروز ولايت د کډوالو چارو رييس حاجي ګل صافي پژواک خبري اژانس ته وويل، په دې وروستيو کې د ورېښمو پول له لارې له ايران څخه نيمروز ته د افغان کډوالو راتګ زيات شوى دى.

خو هغه زياته کړه، په دغه ولايت کې د کډوالو د اوسېدو او يا يوې شپې تېرولو لپاره هېڅ ډول اسانتيا نشته.

صافى وايي، اوس ورته ورېښمو پول سره نږدې ١٣ بسوې ځمکه ځانګړې شوې، څو ورته تاسيسات جوړ شي، خو ده وويل چې پر دې ځمکې د کورنيو چارو او ماليې وزارتونو لانجه ده.

هغه هيله څرګنده کړه چې دا لانجه ژر  هواره شي. 

گزارش های مربوطه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

تبصره کنيد

اعلانات

Advertisement