Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

جماعة الدعوه: افغانان بايد د نورو هېوادونو په جګړو کې ښکېل نه شي

جماعة الدعوه: افغانان بايد د نورو هېوادونو په جګړو کې ښکېل نه شي

By
On
Nov 27, 2017 - 14:29

کابل (پژواک، ٦ ليندۍ ٩٦) : د جماعة الدعوه ګوند وايي، لکه څرنګه چې افغانستان نورو ته په خپلو کورنيو چارو کې دلاسوهنې اجازه نه ورکوي، دغه راز افغانان هم بايد د نورو هېوادونو په جګړو کې ښکېل نه وي.

د جماعة الدعوه الى القران والسنة ګوند مرستيال حاجي روح الله وکيل دغه څرګندونې د اجراييه رياست د دويم مرستيال محمد محقق د وروستيو څرګندونو په غبرګون کې کړې دي.

محقق دوه ورځې مخکې په ايران کې د يوې غونډې پر مهال په سوريه کې د جنګېدونکو افغانانو او ايراني جنرالانو او سرتېرو ستاينه کړې وه.

حاجي روح الله وکيل وايي،لکه څرنګه چې افغانستان نورو ته په خپلو کورنيو چارو کې د لاسوهنې اجازه نه ورکوي، دغه راز افغانان هم بايد د نورو هېوادونو په جګړو کې ښکېل نه وي.

هغه زياته کړه : (( دغه افغان وسله وال چې په سوريه کې د حکومت په پلوۍ جنګيږي، چې کله بېرته هېواد ته ستانه شي، بيا دلته په ترهګريزو کارونو کې  ښکېل وي .))

نوموړي دغه کار د ايران يوه دسيسه وبلله او ويې ويل چې دا کړنې نور افغانانو ته د منلو وړ نه دي.

روح الله وکيل له ولسمشر اشرف غني او له اجراييه رياست څخه وغوښتل چې د محقق د څرګندونو په اړه کلک غبرګون وښيي.

د حکومت اجراييه رييس ډاکټر عبدالله عبدالله نن د وزيرانو شورا غونډې ته ويلي، د نورو هېوادونو په جګړو کې برخه اخيستل، د حکومت دريځ نه دى.

د جماعة الدعوه الى القران والسنة ګوند مرستيال وايي، کومې ډلې چې د سوريې د ولسمشر بشارالارسد د حکومت پر ضد له خپلو حقوقو څخه ددفاع لپاره جنګيږي، د هغوى په مقابل کې مبارزه کول، تېروتنه ده. 

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update