د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

برمل کې وزيرستاني ګډوال د پوليو واکسين د تطبيق مخنيوى کوي

برمل کې وزيرستاني ګډوال د پوليو واکسين د تطبيق مخنيوى کوي

Mar 18, 2017 - 14:33

ښرنه(پژواک،٢٨کب٩٥): د پاکستان له شمالي او سوېلي وزيرستان څخه راستانه شوي ګډوال په داسې حال کې د پوليو واکسين د تطبيق مخنيوى کوي چې روان کال په همدې خلکو کې د پوليو ٧ مثبتې پېښې ليدل شوې دي.

په پکتيکا کې د پوليو واکسين د کمپاين مسوول ډاکټر محمد نور د کب په ٢٨مه پژواک خبري اژانس ته وويل چې د پاکستان له شمالي او سوېلي وزيرستان څخه ګڼ شمېر کورنۍ برمل ولسوالۍ ته  راکډه شوې دي.

ده وويل چې په دې وروستيو کې يادو کورنيو د پوليو واکسين، د تطبيق مخه نيولې او وايي چې دوى نه غواړي دغه واکسين  پر خپلو ماشومانو تطبيق کړي.

ده زياته کړه: (( په روان کال کې په پکتيکا کې د پوليو ٧ مثبتې پېښې ثبت شوي چې ټولې په همدې کډوالو کې وې او اوس يې هم له کوم دليل پرته د واکسين د تطبيق مخه نيولې ده.))

د هغه په خبره، پوليو يوه وژونکې ناروغي ده، نو له همدې امله دې کورنۍ خپل ماشومان له دغې وژونکې او خطرناکې ناروغۍ څخه وژغوري او خپل ماشومان دې واکسين کړي.

د برمل ولسوالۍ اوسېدونکي ادم خان پژواک ته وويل چې له شمالي او سوېلي وزيرستان څخه را بې ځايه شوې کورنۍ نه غواړي چې پر خپلو ماشومانو د پوليو واکسين تطبيق کړي چې له امله يې په دې ولسوالۍ کې د پوليو واکسين کمپاين بند شوى دى.

ده زياته کړه: (( هغوى د واکسين په اړه بد نظر لري، خو زه چارواکو ته وايم که هغوى واکسين نه کوي نورو خلکو ته خو دې تطبيق پيل کړي.))

د پکتيکا د عامې روغتيا رييس ډاکټر ولي ګل خروټي پژواک ته وويل چې د پوليو واکسين د ګوزڼ ترڅنګ د تور زيړي، شري، نري رنځ، سينه بغل او ګڼو نورو ناروغيو لپاره ښه درمل دي.

ده هم وويل چې په برمل ولسوالۍ کې يو شمېر بې ځايه شويو کورنيو د پوليو واکسين د تطبيق مخه نيولې ده.

خروټي زياته کړه چې هڅه کوي، ترڅو دغه ستونزه د خبرو اترو له لارې هواره کړي ځکه چې په کډوالو کې د پوليو ناروغي شته .

په پکتيکا کې د رواني ناروغيو ډاکټر محمد اعظم پژواک ته وويل چې په دې وروستيو کې د پوليو واکسين پر وړاندې د خلکو ذهنيت خراب شوی دى.

هغه زياته کړه ، خلک په دې باور دي چې واکسين د دې پرځای چې ماشومانو ته ګټه ورسوي ، بلکې بې تربيې او بې حيا کوي يې.

هغه له خلکو غوښتنه وکړه چې په خپل سر دې پرېکړې نه کوي او په دې برخه کې دې د خپلو مشرانو لارښوونو ته پاملرنه وکړي.

د يادونې ده چې په روان کال کې په هېواد کې د ګوزڼ ١٣ مثبتې پيښې ثبت شوي چې ٧ يې د پکتيکا په برمل ولسوالۍ کې دي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement