د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بدخشان کې څه باندې اووه زره ماشومان د ګوزڼ له واکسينه پاتې دي

بدخشان کې څه باندې اووه زره ماشومان د ګوزڼ له واکسينه پاتې دي

Aug 14, 2017 - 16:59

فيض اباد (پژواک، ٢٣ زمرى ٩٦): د بدخشان سيمه ييز چارواکي وايي چې په دغه ولايت کې د پوليو واکسين کمپاين په داسې شرايطو کې پيل شوى چې له پنځو کلونو لاندې څه باندې اووه زره ماشومان د طالبانو تر واک لاندې ساحو کې له واکسينه محروم دي.

د بدخشان د عامې روغتيا مشر نور محمد خاوري پژواک خبري اژانس ته وويل: ((وردوج ولسوالۍ کې يوه طالب قوماندان راته ويلي چې تاسې د وردوج ولسوالۍ روغتيايي کلينيک د درملو، ډاکټر او پرسونل له لارې نه شي اکمالولى، موږ هم اجازه نه ورکوو چې رضاکاران مو د پوليو د کمپاين لپاره دې ولسوالۍ ته سفر وکړي او ماشومان واکسين کړي.))

هغه زياته کړه: ((زموږ اندېښنه دا ده چې شاوخوا ٥٠٠٠ ماشومان په وردوج ولسوالۍ کې د پوليو واکسين په پلي کېدو پاتې دي، موږ د سپين ږيرو، مخورو او ديني عالمانو په مرسته هڅه کوو چې طالبان د دغه کار اجازه ورکړي، خو تر اوسه مو څه پيغام نه دى ترلاسه کړى.))

نوموړي زياته کړه چې په راغستان او کوهستان ولسواليو کې هم د تېرو کمپاينونو پر مهال ٢٠٠٠ ماشومان له واکسينه پاتې دي، د عامې روغتيا رياست اوسمهال د سيمې د مخورو په مرسته هڅه کوي چې رضاکارانو ته اجازه ورکړل شي چې کور په کور  له پنځو کلونو ښکته ماشومانو ته پوليو واکسين وکړي.))

دا په داسې حال کې ده چې د عامې روغتيا وزارت د ماشومانو د پوليو واکسين د درېيم پړاو په پيل کې اعلان وکړ چې په دې پړاو کې به ٩،٩ ميليونه ماشومان چې ٩٠ زره يې له دويم پړاو پاتې دي، واکسين کړي.

د عامې روغتيا وزارت د معلوماتو له مخې، د ٢٠١٧ کال له پيل نه تر اوسه پورې د پوليو دوې پېښې کندهار، دوې په هلمند، يوه په کونړ، يوه پېښه په زابل کې ثبت شوې او تېر کال د ټول هېواد په کچه د پوليو ١٣ مثبتې پېښې ثبت شوې وې.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement