د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پکـتيا: د توبر کلوز د ۲۸ بستريز ځانګړي روغتون د بنسټ ډبره کېښودل شوه

پکـتيا: د توبر کلوز د ۲۸ بستريز ځانګړي روغتون د بنسټ ډبره کېښودل شوه

Aug 28, 2017 - 18:26

ګردېز(پژواک،٦وږى٩٦): پکتيا کې د نږدې لس ميليونه افغانيو په لګښت د توبر کلوز ناروغۍ د درملنې د ځانګړي روغتون د جوړېدو چارې پيل شوې.

د پکتيا د عامې روغتيا رياست مسوولين وايي چې ياد روغتون د سوېل ختيځ زون په کچه په يوه پوړ کې په څلورو مياشتو کې جوړيږي.

د دې ولايت د عامې روغتيا رييس ډاکټر شېرمحمد نقشبندي پژواک ته وويل چې د دې روغتون په جوړېدو سره به د يادې ناروغۍ په منظم ډول درملنه او مخنيوی وشي.

نقشبندي توبرکلوز لويه ناروغي يادوي او وايي چې له دې سره به يې د مخنيوي او تداوي چارې اسانه او ښې شي.

نوموړی وايي، تر دې وړاندې يې دا ناروغان پلازمېنې کابل ته لېږل، خو د دې روغتون له جوړېدو سره به وکولای شي چې د زون د ټولو ولايتونو ناروغان په پکتيا کې تداوي کړي.

ده وويل:((که چېرته په يوه ناروغ کې دا ناروغي سخته شي، نو په يوه اوونۍ کې تر سل کسانو پورې سرايت کوي، نو په دې روغتون کې ١١کسه پرسونل به ورته مقرريږي او انشاالله د روغتيا په برخه کې يو ښه ګام دی.))

توبرکلوز يوه ساري ناروغي ده  چې په اسانۍ نورو ته هم سرايت کوي.

پرله پسې دوه اوونۍ ټوخی او تبه په دې ناروغۍ د اخته کېدو عوامل دي او ډاکتران وايي که څوک له داسې حالت سره مخ شي، نو ژر تر ژره بايد روغتيايي مرکز ته مراجعه وکړي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement