د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پاکستان ته د خلکو ډېر تګ راتګ، ننګرهار کې د ګوزڼ په اړه اندېښنې ډېرې کړې دي

پاکستان ته د خلکو ډېر تګ راتګ، ننګرهار کې د ګوزڼ په اړه اندېښنې ډېرې کړې دي

Sep 25, 2017 - 11:58

جلال اباد (پژواک، ۳ تله ۹۶): د ننګرهار د عامې روغتيا رياست چارواکي وايي، که څه هم له تېرو دوو کلونو راهيسې په دغه ولايت کې د پوليو کومه مثبته پېښه نه ده ثبت شوې؛ خو پاکستان ته د خلکو ډېر تګ راتګ د پوليو ګواښونه ډېر کړي دي.

د دغه رياست مسوولينو د تلې په ۳مه په ختيځ زون کې د پوليو واکسين کمپاين د پيل پر مهال دا څرګندونې وکړې او دغه راز يې وويل چې لا هم د ننګرهار  د نهو زره په شاوخوا کې ماشومان د پوليو له واکسينه بې برخې پاتې کېږي.

د عامې روغتيا رييس ډاکتر نجيب الله کامه وال وايي چې د روان کمپاين پر مهال به په ننګرهار کې اووه سوه زره او د ختيځ زون په څلور واړو ولايتونو کې  ۱،۲ ميليونه ماشومانو ته د پوليو دوه څاڅکي واکسين وشي.

نوموړی وايي چې اوس هم په ننګرهار کې د پوليو پېښې ليدل شوې او له دغه واکسينه پاتې کېدونکي ماشومان له خطر سره مخ دي.

د عامې روغتيا رييس د معلوماتو له مخې، پاکستان ته د ننګرهار له لارې د خلکو ډېر تګ راتګ هغه څه دي چې په دغه ولايت کې يې د پوليو ويروس د موجوديت ګواښونه ډېر کړي دي.

هغه وايي، که څه هم له تېرو دوو کلونو راهيسې په دغه ولايت کې د پوليو کومه مثبته واقعه نه ده ثبت شوې خو اندېښنه لري، که د ويروس شته والي ته په کتو واکسين په سمه توګه تطبيق نه شي؛ نو شونې ده چې پېښې رامنځته شي.

د ننګرهار د عامې روغتيا رييس ډاکتر نجيب الله کامه وال دغه راز وايي چې لا هم د دغه ولايت د څلورو ولسواليو شاوخوا نهه زره ماشومان د پوليو له واکسينه بې برخې پاتې کېږي.

هغه زياته کړه، د پچيراګام ولسوالۍ په پنکزو، د هسکې مېنې ولسوالۍ په اوغز او پاپين، د اچين ولسوالۍ د مامند درې ځينې برخې او د نازيانو ولسوالۍ دوه خولې نازيان هغه سيمې دي چې د وسله والو د موجوديت له امله ورته د پوليو واکسيناتوران نه شي ورتللی.

د عامې روغتيا رييس وايي، پخوا دغه شمېره ۲۲ زره وه؛ خو اوس د سرې مياشتې د رضاکارانو په همکارۍ دغه شمېرې راکمې شوې دي؛ خو لا هم ستونزې شته.

په همدې حال کې د ننګرهار د اطلاعاتو او فرهنګ رييس اورنګ صميم دا د رسنيو مسووليت ګڼي چې د پوليو د کمپاين پر مهال د لرو پرتو سيمو خلکو ته د پوليو واکسين د تطبيق پيغام ورسوي.

نوموړی دغه راز د کورنيو پر مشرانو هم غږ کوي چې د خپلو اولادونو د روغ ژوند لپاره دې هغوی ته د پوليو کمپاين په هره دوره کې دوه څاڅکي واکسين وکړي.

د ننګرهار د ښځو چارو رياست کارمندې تورپيکۍ بيا پر ميندو باندې غږ وکړ چې بايد د کمپاين په ورځو کې د خپلو اولادونو واکسين ته ډېره پاملرنه وکړي.

هغې وويل، نارينه ډېری وخت له کوره بهر وي او ميندې په کورونو کې وي؛ نو دا يې مسووليت دی چې خپلو اولادونو ته واکسين وکړي.

پوليو چې يوه نا علاجه ناروغي ده او د انسان د دايمي فلج يا ګوزڼ او مړينې سبب ګرځي، ډاکتران يې دوه څاڅکي واکسين د وقايې لپاره غوره ګڼي.

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement