د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پکتیا کې د حقاني شبکې اړوند د مرمیو یوه زېرمه کشف او ترلاسه شوې

پکتیا کې د حقاني شبکې اړوند د مرمیو یوه زېرمه کشف او ترلاسه شوې

Nov 20, 2017 - 15:18

ګردېز (پژواک، ٢٩ لړم ٩٦): پکتيا کې د حقاني شبکې د وسلو د مرمیو يوه زېرمه کشف او ترلاسه شوې او په يوه بله پېښه کې څلور طالبان وژل شوي دي.

د ملي امنيت د مطبوعاتي دفتر له لوري د لړم په ٢٩مه پژواک خبري اژانس ته را په لېږل شوې خبرپاڼه کې راغلي چې د ملي امنيت ځانګړو ځواکونو د پکتيا د څمکنۍ ولسوالۍ په راغه سيمه کې عمليات کړي دي.

سرچينه وايي چې د دې عملياتو په ترڅ کې د حقاني شبکې د وسلو د مرمیو زېرمه کشف او ترلاسه شوې ده.

د خبرپاڼې په حواله، له دې زېرمې د بېلابېلو وسلو سلګونه زره مرمۍ ترلاسه شوې دي.

سرچينه وايي چې دغه مرمۍ د ډيورنډ فرضي کرښې له هغې غاړې پکتيا ولايت ته را انتقال شوې وې.

دغه راز د يو بل خبر له مخې، د پکتيا په ځاځي اريوب ولسوالۍ کې اتو وسله والو ته مرګ ژوبله اوښتې ده.

د ٢٠٣ تندر قول اردو له مطبوعاتي دفتره په خپره شوې خبرپاڼه کې راغلي چې تېره شپه د امريکايي ځواکونو بې پيلوټه الوتکې د ځاځي اريوب ولسوالۍ په حسن الګډه سيمه کې بريد کړى دى.

سرچينه وايي چې په دغه بريد کې څلور وسله وال طالبان وژل شوي او څلور نور ټپيان دي.

وسله والو طالبانو تر اوسه په دې اړه څه نه دي ويلي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement